DAGOENEKO ON LINE ESKURA DAITEZKE IBARREKO PISTETAN IBILTZEKO BAIMENAK
Erronkaribarko webgunean On line eskura daitezke Erronkaribarko pistetan eta bide publikoetan ibiltzeko baimenak.
Baimenak egunekoak, astekoak edo hilekoak dira; eta prezioak 5, 10 eta 20 euro dira, hurrenez hurren.
Interesa dutenek www.vallederoncal.es webgunean “pistak erabiltzeko baimena” menuan klik egin behar dute, eta jarraibideak bete. Ordainketa txartel bidez egin ondoren, ematen den posta elektronikoan jasoko da faktura pdf formatuan, ibilgailuaren matrikula, aukeratutako baimena eta baimenaren indarraldiaren hasiera-data jarrita. Pdf hori inprimatu eta ibilgailuaren aurrealdean ikusgai jarri beharko da ibarreko pista eta/edo bide publikoetan ibiltzen den bitartean.
IStock.com/Txiriguili
Erronkaribarko bidexkak egokitzeko, seinaleztatzeko eta homologatzeko bigarren fasea amaitu da
Webgunetik 15 bidexken track-ak eta informazio-mapak deskargatu ditzakezu
2018an egindako lehen fasean 65,4 kilometro egokitu ondoren, Erronkaribarko Batzorde Nagusiak bidexkak egokitzeko, hobetzeko, seinaleztatzeko eta homologatzeko lanen bigarren fasea amaitu berri du.
Oraingo honetan ondokoak burutu dira:9 herri-bidea (SL), ibilbide labur bat (PR), GR 321aren bigarren zatia, Kontrabandisten bidea Izaba eta Arrakagoiti artean (GR 321.1); eta Belagua (Erronkaribar) eta Laberouat (Aspe) aterpeen arteko lotura. Guztira, 93 kilometro berri seinaleztatuta eta homologatuta, Mendi Federazioaren gomendioen arabera.
Horrela, ibarrean dagoeneko 160 kilometro inguru daude seinaleztatuta eta homologatuta.
Bideek edo bide-adarrek –GR 321en kasuan– informazio-panelak dituzte ibilbideen iraupenari, luzerari eta desnibelari buruzko datuekin eta ibiltarientzako gomendioekin, eta zutikako seinaleak ibilbidean zehar. Honako margo markak erabili dira: gorria eta zuria GR 321ean eta Belagua eta Laberouat aterpeak lotzen dituen bidean (GRT 13), berdea eta zuria herri-bideetan, eta horia eta txuria ibilbide laburretan.
Pagomaltako aterpea egokitu eta hobetu egin da
Erronkaribarko Batzorde Nagusiak Pagomaltako aterpea egokitzeko eta hobetzeko proiektua burutu zuen 2018an; eraikina zabalik egon da 2016az geroztik baina jarduera-lizentziarik gabe.
Honako jarduketa hauek egin dira: ur-araztegia eta hori babesteko etxola jartzea eta suteen kontrako babes-sistema eta erorikoak ekiditeko oinezkoentzako babesa paratzea.
Proiektu honek Nafarroako Gobernuaren eta Europar Batasuneko FEADER funtsen diru-laguntza jaso du Cederna Garalur 2014-2020 TGPEren bidez, Nafarroako 2014-2020 Landa Garapenerako Programaren barnean.
Erronkaribarko Batzorde Nagusia ibarraren garapena sustatzen ari da Belarouat EFA 2014/16 europar proiektuaren bidez
“Belagua eta Labèrouat, Larrako ateak eta Ani Pirinioetako ondare naturala balioan jartzeko estrategia”
EGUNEKO TXANGOAK ERRONKARIKO IBAXETIK
Eskuorri honetan sei ibilbide eskaintzen ditugu, Izabatik abiaturik, gure ingurune paregabea ezagutzeko.
DESKARGAGUNEA
Bertatik jaitsi ahal dituzu Erronkaribarko eskuorriak, mapak eta dokumentuak.